Car Advice

نصيـــــــــــــــــحه

بحث هذه المدونة الإلكترونية

السبت، 17 أبريل 2010

ثقافة شراء سياره 2 (فئات السيارات )

بالتأكيد بعد اتخاذ قرار شراء السيارة وتحديد الهدف من شراءها وتحديد الاحتياجات والمطالب الواجب توافرها لكي تكون مناسبة لأستخدامك ومتطلباتك عشان متحسش انك دفعت فلوس في حاجه محققتش كل رغباتك واحتياجاتك

عشان كده لازم نعرف فئات السيارات وكل فئة من السيارات ايه الاغراض اللي اتصنعت عشانها عشان نبقي عارفين احنا بنتكلم في اي فئة اللي حتحقق مطالبنا ورغباتنا و مناسبة لينا ومناسبة لأمكانيتنا المادية


· Micro Car (السيارة الميكرو ) :-

o سيارة صغيره للغاية لا تتسع الا لقائدها او راكب امامي بجانبه وهي مصنوعه للمدن والمسافات الصغيرة وذات محرك لايزيد عن 3 سيلندر وفي بعض الدول الاوروبيه تنضم لفئة الدراجات النارية .

o أشهر هذه السيارات :- سمارت:- هذه السياره لا تتسع الا لفردين ويبلغ وزنها 730 كجم

علي الرغم من حجمها الصغير الا ان فيها حجم تكنولوجيا عالي جدا وده بيرفع سعرها جدا وبيخليها نوع من سيارات الرفاهية

· City Car (سيارة المدينة ) :-

· هي سياره صنعت خصيصا للاستخدام داخل المدن او الانتقال بين المدن لمسافات قصيرة

· وتتحدد فئة هذه السيارة طبقا لمقاساتها حيث لا يزيد طولها عن 4290 مم ويتراوح حجمها الداخلي بين (2,407 – 2,803 ) لتر

· أشهر سيارات هذه الفئة :-

Ø Super Mini :-

فيات 500 – فيات بونتو كلاسيك – فيات باليو – سوزوكي ماروتي – سوزوكي التو - دايو ماتيز – كيا بيكانتو – هيونداي I 10


Car Advice
* الفئة ديه مناسبة للشباب والبنات في بدايه العمر والاسر الصغيرة ( اب + ام + اطفال دون الـ 15 )
وده لأن سعرها قليل ومصاريف صيانتها قليلة واقتصادية جدا في استهلاك الوقود
*سعر هذه الفئة يتراوح بين 38.000 للسوزوكي ماروتي حتي 70.000 للكيا بيكانتو
ويظهر التنوع الكبير في اسعار هذه الفئة ويدل علي تنوع الامكانيات والكماليات وذلك لزياده الطلب علي
هذه الفئة نظرا للزحام وارتفاع اسعار الوقود

Ø Sub Compact Car :-

رينو كليو – رينو لوجان – سوزوكي سويفت - هيونداي فيرنا – هيونداي اكسنت – شيفروليه لانوس – اوبل كورسا


Car Advice
* هذه السيارات تتميز عن النوع السابق باتساع مساحتها ومناسبتها اكثر للسفر وثباتها في السرعات الكبيرة ولها نفس المميزات من الاقتصادية في استهلاك الوقود ورخص قطع الغيار والاعتمادية العاليه
*يتراوح سعر هذه الفئه من 68.000 الي 120.000
* وتنوع هذه الفئة ويدل علي تنوع الامكانيات والكماليات وذلك لزياده الطلب علي
هذه الفئة نظرا للزحام وارتفاع اسعار الوقود
* وهذه الفئه مناسبة للاسره المتوسطه والشباب الميسورين الحال


· Car سيارة الاسر الصغيرة :-

· سيارة مخصصه للاسرة الصغيرة التي يتراوح عدد افرادها بين 4-5 افراد بالغين .

· تتحد هذه الفئه طبقا للمقاسات الاتيه :-

Ø يتراوح الطول بين 4100 -4450 مم للهاتشباك

Ø يتراوح الطول بين 4200 – 4500 مم للسيدان

· أشهر سيارات هذه الفئة :-

Ø فورد فوكس – تويوتا كورولا – ميتسوبيشي لانسر – كيا سيراتو – شيفروليه كروز – فولكس فاجن جولف – هوندا سيفيك





Car Advice
*هذه الفئة تضم سيارات ذات مساحات داخلية اكبر من حيث مساحات الاقدام والرؤوس والاكتاف والمساحات المخصصة للتخزين
*تحتوي علي كم اكبر من الكماليات ومستويات الامان وتتميز بجوده الخامات الداخلية عن الفئات السابقة
* تضم الفئة سيارات ذات فئات حصانية اكبر واكثر ثبات في المناورة علي السرعات العاليه
*تستهلك هذه الفئة معدلات اكبر من الوقود من سابقتها ونوعيه وقود اعلي في رقم الاوكتان عن الفئات السابقة
* ترتفع اسعار قطع الغيار عن الفئات السابقة ولكن بشكل غير مبالغ فيه


سيـــــــــــــارة العائـــــــــــــــلات الكبيرة

Large Family Car

· Mid-Size Car

Ø سياره تحتوي علي كم اعلي من الكماليات والامان و تتميز بقوة الموتور والثبات العالي وان اطلق عليها جدلا سيارة رياضية في سيارة رياضية للهواه ولم ترتقي بعد لمرتبة السيارات الرياضية

· أشهر سيارات هذه الفئة :-

Ø فولكس فاجن باسات – اوبل فيكترا – فورد مونديو – تويوتا افينزيس – ماذا 6 – بيجو 407 – سيتروين C5





· Entry Level Luxury Car – Compact Executive Car

· هي بداية مستوي السيارات الفاخرة وتظهر فيها كماليات الرفاهية بشكل كبير عن سابقاتها ولكنها تظل ذات محرك 4 سليندر وقدرة حصانية اعلي من السيارات المتوسطه الحجم ويستخدم في بعض منها تقنية الدفع الخلفي لتحسين ثباتها علي الطريق و العديد من هذه السيارات يظهر فيها الاداء الرياضي والتأكيد عليه .

· يظهر في هذه الفئة السيارات :- الكوبية – الكابورليه – الكوبية كابورليه

· أشهر سيارات هذه الفئة :-

Ø ألفا روميو 159 – فولفو S60 - BMW 3 Series – - لكزس IS






* هذه ليست كل الفئات ولكن هذا اغلب ما نتعرض له في مصر

وهناك المزيد في الجزء التالي ان شاء الله

الخميس، 15 أبريل 2010

ليفان 320 Lifan 320

شفت عربيه اتهيألي انها ميني كوبر
بس لما قربت لقتها صيني


قمت داخل المعرض وقمت سائل عليها وطلعت طبعا
ليفان 320


الموديل: LF479Q3

النوع: 4 سلندر ، 16 صباب ، حقن متعدد النقاط ، عمود كامة مزدوج

السعة: 1300سي سي

القدرة القصوى: 90 حصان

السرعة القصوى: 155 كم

التسارع 0-100 كم: 14.5 ثانية

نظام الفرامل: ديسكات / طنابير (ABS + EBD)


الكماليات:

4 زجاج كهربائى - تكييف - باورستيرتنج -

غلق مركزى للأبواب - ريموت كنترول -

عدد 2 وسادة هوائية - مرايات كهريائية -

عدم تشغيل المحرك بدون المفتاح الأصلى -

أنوار ضباب امامية وخلفية -نظام سمعي رقمى -

سبويلر خلفي مع نورفرامل علوي -

فتح تلقائي للأبواب عند التصادم -

غلق ألى للأبواب عند سرعة 20 كم/س -

تعديل ارتفاع عمود الدركسيون -

عمود دركسيون ممتص للصدمات -

مريات جانبية ومقابض خارجيه مطلاه بالكروم -

غلق حماية للأطفال.


الوكيل الوحيد : السعودي جروب

العنوان : طريق القاهرة الاسماعيلية الصحراوي ، الكيلو21 - مصر

هاتف : 0226203040

فاكس : 0226205558










الشبه كبير بينها وبين الميني كبير من بعيد ممكن تتلخبط وخصوصا بليل ومش مركز



ديه طبعا مواصفات العربية ممكن تعرفها من اي حد شغال في المعرض او الوكيل
او حتي من علي موقع الشركة

لكن Car Advice مش اي حد ومش اي مكان
طبعا جربت العربية وقعدت فيها وشفت كل مزاياها وعيوبها
وهي

المميزات :-
1- العربية تقفيل صيني 100 %
2- الموتور تصميم ميتسوبيشي
3- العفشة تصميم تويوتا
4- العربية فيها كماليات حلوة جدا وخصوصا الـ
ABS & EBD
5- وزن العربية 1250 كجم نفس وزن الاوبترا
6- العربية سعرها هاايل جدا 55000 جنية
7- العربية قطع غيارها رخيصة جدا
اغلي حاجتين علية الدركسيون وكمبروسور التكييف بـ 1600 جنية
العيوب:-
1- تقفيل العربية سئ جدا تحس ان الاكر والمقابض الداخليه بلاستيك لعب اطفال
2-السقف اللي بيقولوا انه صاج مطلي اسود مط حاسس انه بلاستك او فيبر
3- العربية لسه واقفه في المعرض لقيت الكاوتش بتاع الابواب بدأ يفك وده يدل علي سوء التقفيل
4- العلامة اللي مكتوب بها موديل العربية 320 نفس الحجم والخط بتاع ال BMW
320 بس الفرق انها بلاستك مش نيكل زي ال BMW
5- العربية مكملتش 3 شهور في مصر ووكيلها هو السعودي جروب
6- العربية دركسونها و فتيسها تقال جدا وسحبها بطئ :(

انطباعي عن الـ Lifan 320
* العربية لسه مش مجربة ومنقدرش نحكم علي نجاحها او فشلها الا بعد 5 سنين علي الاقل
* عدم توافر قطع غيارها خارج التوكيل او الموزعين المعتمدين حاجه مش مطمئنة عشان لو الوكيل
ساب العربية حنجبلها قطع غيار منين
* العربية سعرها وشكلها منافسين لفئتها (فئة الميني )
*شكل العربية المشابهه للميني بيديها قيمة اكبر من قيمتها الحقيقية
* العربية مع وكيل غير قوي وهو السعودي جروب
* العربية مساحتها الداخلية كويسه وتناسب شاب او اسره صغيرة
*العربية صاجها 0.8 مم وده اللي مديها تقل + الجنوط اللي نازله معاها


* برجاء عدم الانخداع بمظهر السيارة وكماليتها واعطائها الفرصة لإثبات جدارتها علي الطريق وتظهر اعطالها ومزايها وعيوبها


التابلوه الداخلي للعربية



فيديو السيارة من الوكيل (السعودي جروب )


متابعه كل جديد تواصل معنا علي Face book
علي
Car advice

http://www.facebook.com/topic.php?topic=14943&uid=10150104875295352#!/group.php?gid=10150104875295352


الثلاثاء، 13 أبريل 2010

سكودا فابيا


سوزوكي ماروتي عربية الشعب






بلد الصنع :- الهند

الأبعاد
الطول الاجمالى : 3.335 متر يعنى 3متر وربع تقريبا
العرض : 1.44 متر
الارتفاع : 1.4 متر
طول قاعدة العجلات 2.17 متر
المسافة بين مركز العجلة الخلفية والامامية ولها دور مهم فى تحديد مساحة الصالون الداخلى

الارتفاع عن الارض 17 سم
عدد الركاب : 4

الوزن فارغة: 655 كجم
الوزن الاقصى: 1000 كجم


المحرك
محرك بنزين 3 سلندر بسعة 796 سى سى
صمامين لكل سلندر
اقصى قوة (عدد الاحصنة) : 37 @ 5000
اقصى عزم (نيوتن) : 59 @ 2500
التبريد: :بالماء ريداتير تقليدى
سعة خزان الوقود: 28 لتر

ناقل الحركة
مانيوال 5 نقلات (اربعة امامية واحدة خلفية)


نظام التوجية

Rack and Pinion
غير مؤازر (مفيش باور بس هيا ناعمة)

التعليق (العفشة)

دعامات ماكفرسون امامية مع سوست
مساعدين غاز فى الخلف

الفرامل
ديسك فى الامام وطنبورة فى الخلف


مقاس الاطارات
145/70R12


متوسط اسعار قطع الغيار

الابلاتين 25 جنية
الكندنسر 20 جنية
فلتر الزيت ب 45 جنية
مساعدين امامي ياباني 470
طنابير خلفي 200
طقم مقصلت بالجلب 150
مساعدين خلفى 150
الكبالن داخلي و خارجي و اكسات 650

المميزات

اقتصادية فى السعر وفى قطع الغيار والصيانة واستهلاك الوقود
ناعمة - حجم عملى مناسب للشباب او الاسر الصغيرة

العيوب
انعدام وسائل امان
الشنطة الخلفية صغيرة جدا


السيارات المنافسة
لا يوجد


توكيل سوزوكى (مودرن موتورز) احدى شركات السعودى جروب -
مراكز الخدمة ومنافذ بيع قطع الغيار

السعر 38000 جنية مصرى




ثقافة شراء سياره (مقدمة )

هل عندنا في مصر ثقافه شراء السيارة ؟؟؟
يعني ايه ثقافة شراء السيارة ؟؟
يعني تشتري عربية مناسبة ليك !!
طب ما انا اللي شاريها اكيد شايف انها مناسبة لي!!
طب انت بتقول كده علي اساس ايه !!
مناسبة من ناحيه ايه ؟؟
طب مناسبة ديه تكون ازاي !!

طب معلش نرجع شوية قبل كده
انت اصلا عايز تشتري عربية ليه ؟؟
1- بتتنقل كتير خلال اليوم
2- السكن في مكان بعيد عن مكان العمل
وصعوبة التنقل ما بينهم خلال اليوم
3- العمل في مكان او وظيفة تتطلب الحركة
بسرعة وفي اوقات صعب تلاقي فيها مواصلات
4- عندك اسرة كبيرة صعب تتنقل بيها في المواصلات
5- بتتحرك بمعدات او ادوات تقيله ، حساسه ، كبيرة الحجم
6- عايز تشتري عربية من باب الانزحه والفشخرة
7- عايز عربية كنوع من الاستثمار

طب كل طلب في عربية من دول ليه مواصفات خاصة
لازم تكون متوفرة في العربية

مش حنتكلم علي الشكل لأن ديه مسأله اذواق
ديه شكلها حلو
شكلها وحش
طويله قصيرة
مكعبرة
حلوة
امورة
كل ديه حاجات تخضع لذوق الفرد و بتختلف من شخص للتاني

ومش حنتكلم علي حجم الكماليات لأنها برده حاجه نسبية
بتختلف من واحد للتاني واحد تهمه وواحد لأ

لكن الحاجات اللي حنتكلم عنها هي :-
1 - تحديد الهدف مش شراء السيارة
2- كيفيه اختيار فئة السيارة بناء علي الهدف من شرائها
3- اختيار السيارة المناسبة ضمن فئتها
4 - ازاي حتشتري سيارة (كاش / قسط) ، (جديده / مستعملة )
وازاي تختار الطريقة الامثل ليك

وان شاء الله حنتابع الحلقات ديه بالترتيب تباعا